ناس بـ تتكلم

Baba-star-34
نـاس بـ تتكـلم
ـــــــــــــــــــــــــــــــــــــــــــــــــــــــــــــــ
ناس بـ تتكلم
بـ تبيع كلام
زى بتاع الميه فى حارة السقايين
ناس بـ تتكلم
ماسكين ميكروفنات
قاعدين ورا الشاشات
زى خالتى ام حسين
لا همّ فاهمين ، ولا همّ الدريانين
بـ يتكلموا لغة غريبة . عجيبة
والله مساكين
وحلفت ابدا م اتكلم لغتهم
يعنى عشان افهمهم
عمرى وفى حياتى . ابدا. ما اتكلم لغتهم
معروفين . غلابة يا ولداه . مساكين
من بلد اسمها مصر محروقين
بـ يبيعوا الكلام لمين؟؟! وعلى مين !!؟
ناس يا ولداه مساكين
يا سكرانين يا مسطولين
بـ يبيعوا الميه فى حارة السقايين
البلبصة والخلبصة والـ ...
للكلام بيّاعين . بـ ينادوا:
طماطم . فلفل اسود . ابر . كلام حامض
كلام مخلل يا اللى عايزين
على رصيف "الحبايب" قاعدين
ناس دول واللا شحاتين ؟؟!
معروفين !!
بلابيص يا ولداه عريانين
بالذل والحقد والغل م تغطّيين
منغاظين
للامانة ماسكين سكين
بالغش والخداع وخيبة الامل ملفوفين
كدابين . بالاسم معروفين
يا خسارة الاسم فيهم . يا خسارة
من ربنا
مش خايفين