مصنع الكلام .. ــــــــــــــــــــــــــــــــــــــــ
كل ما ورثته عن جدى ( رحمة الله عليه) حمار . حمار ، على ما يبدوا ان الحمار ، لطول الزمن ، اصابته الهيستيريا . كل شوية يضحك . يضحك . يضحك .. الاستاذ / جمال حماد ( على قناة الجزيرة) كل ما يقول ثورة . احمد منصور يقول انقلاب ، واضحك يا احمد يا منصور للصبح . ها ها ها هاى ...
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الموظفة قاعده ع المكتب . على سنجة عشرة . بـ تترقص وتتمايع وتتمايص وتتعولق .. غريبة . مكتب حكومى ده ، واللا احنا هنا فى قناة الجزيرة !!؟ يمكن منتدبة !!؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انا راجل دقة قديمة .. متأثر بالعهد الناصرى ، كل ما اسمع " لندن" ، لا بد من تدابير امنية محكمة ، انسب مكان لمشاهدة قناة الجزيرة . دورة المياه !!!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انا عندى مشكلة كبيرة جدا . جدا . كل م اجيب الجزيرة . تجيب ميّه .. هم ما سمعوش عن اختراع اسمه" بنبرز"
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
راجل لئيم جدا .. بين شبراخيت ومحلة دياى ، فى وسط النيل ، جزيرة . رئيس مجلس المدينة عملها حديقة حيوانات ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الواحد من زهقه . قلت اسرح الغيط .. شجرة وجاموسة وبقرتين ، وتلفزيون ملون ، اول م فتحت التليفزيون . نط فى المصرف .. قعدت افكر : ليه التليفزيون ما نطش فى الترعة ؟؟!!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
طانت " اوسة" فى البلكونة . نازله لطم وصوات وشد فى شعرها ، الولد راح الجزيرة . مش كفاية خمرة ونسوان ، ولعب قمار طول الليل يا ربى ؟؟!!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نسيت اقول لك . مش النبى "تنت" عليه السلام ، الف كتاب كتب فيه مذكراته ، اى ، والنبى محمد (عليه ازكى الصلاة والسلام) زى م بـ اقول لك كده .. ازى الحال يا ترى فى العراق؟! سمعت ان الحكومة كانت بتضحك على الشعب ، طيب ، والسيد "تنت" (عليه السلام ) ماله بالحكاية دى؟! دا حتى راجل بـ يصوم ويصلى وعارف ربنا كويس . مش مهم بـ يصلى فين ، بـ يصوم ازاى ، ولا عرف ربنا امتى .. المهم ، واحد قراه . عملها على نفسه ، والتانى . فطس . من الضحك .. تنت يا تنت يا تنت يا . حلو وزى اللوز يا تنت .. معانا دره مشوى وبطاطا معسلة . معانا تنت .. شى . حا .. يا الله بينا . الارزاق على الله .. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ايه الحكاية يا حاج ؟؟! كلما آلمتنى اسنانى . اعتدت ان اذهب الى الدكتور / حسن نافعة . كثيرا ما كنت اشكر له جهده واخلاصه فى عمله ، وبراعته . كثيرا ما اثنى عليه . عمّال على بطال . الدكتور / حسن نافعة .. غريبة . فى آخر زيارة لى له ، حاول اقناعى بانه ليس طبيب اسنان !! تعجبت فى اول الامر ، ثم اعتقدت ، بعد برهة ، انه يهزل ، يهزر معى ، الا انه اصر على موقفه .. غريبة . كيف فاتتنى تلك الملحوظة ؟! فالرجل لا يعرف الهزل او الهزر ، فهو جهم . دائم التجهم . ملامحه العابثة توحى بكل غضب ، وكأن الدنيا ستنهدم بعد خلع اول سنّة ، من اسنانى طبعا ، لم اصافحه وانا اودعه فى آخر زيارة لى له .. غادرت العيادة (مكتبه) وانا اتحسس فمى . اكتشفت عجبا . خلوه تماما من الاسنان والضروس .. لا يهم . المهم عندى هو السؤال الذى شغل بالى طول الليل وطول النهار : لماذا لم يبلغنى السيد الدكتور بأنه ليس طبيب اسنان منذ الزيارة الاولى ؟؟!! .. بعض الاشياء يصعب علينا فهمها وافواهنا فارغة من الاسنان ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تعليقات
إرسال تعليق