حادثة 19 مارس

   ـــــــــــــــــــــــــــــــ

راجل عادى جدا. شيك جدا

ماشى فى الشارع

باين عليه وراه مشوار مهم

الراجل ماشى

قميص وبنطلون وجاكت اسود آخر أبهة

الراجل ماشى فى حاله

الراجل مشى أربع خطوات، والخامسة

عينك ما تشوف الا النور

حدف الطوب والشوم، والكل نازل فوقه ضرب

بالنبوت

عساكر وبوليس ونيابه، وعربية اسعاف

شالوه وع المستشفى نقلوه، وفى سرير أبيض رقّّدوه

أطبه وممرضات

شهر بحاله يسعفوه ويداوه ويعالجوه، وفى النيابه

سألوه: تتهم مين؟؟

الراجل دموعه سيل نازل على خدوده وانهار

الراجل أنينه وبكاه. اللى فى البر التانى سمعوه

النيانة أعادت عليه السؤال:

    تتهم مين؟؟

الراجل ما بطل بكى ولا بطل أنين

    تتهم مين؟؟

الراجل فى أقواله ما قال غير جملتين:

 الله يخرب بيت الصندوق ويخرب بيت اللى فضحنى،

منه لله حبر الفسفور

   وكان قرار النيابة:

      غرامة، وتانى مرة تبقى تروح

  ودى كانت الحادثة اللى نقلتها وكالات الانباء يوم 19 مارس 2011