في الميدان
ـــــــــــــــــــــــــــ
انت شوفت الولد الأسمر اللي واقف على الدبابة؟
انت شوفته؟
واقف بيحرس عريس وعروسة في الميدان.
عمرك شوفت جيش بحالة واقف يحرس فرحة شعب وبدلة وفستان؟
كان نفسى يضرب لهم 21 طلقة تحية
كل طلقة تشيل للعالم ألف رسالة ورسالة:
جيش يحمى الحق والعدل والحرية
مش الجيش اللى بـ يخرب بلدان. يقتل. يضرب. يدمر
منه تتعلم جيوش ما تعرف غير الخراب
ما تعرف غير انها تحول العمار خراب
جيش بـ يتكلم بالدبابة والطيارة والمدفع والصاروخ
احنا الأمان
احنا صناع السلام
احنا الحق والعدل والحرية
احنا الولد الاسمر اللى واقف على الدبابة
احنا الولد الاسمر اللى واقف يصنع للاجيال زمن وزمان
احنا الولد الاسمر اللى عمره واقف زنهار
فى الميدان
ـــــــــــــــــــــــــــــــــ
كسر الليالي ـ 19/3 /2011
تعليقات
إرسال تعليق