نافذة ع السطوح

    ــــــــــــــــــــــــــــ

بيني وبين مراتي مطارق الحداد

زهقت وزهقتني منها ومن الدنيا

كل يوم وكل ساعة

ضرب واهانة وتلطيش، وكلام يسم البدن

زي حدف الطوب

ع السطوح بنيت أوضه

ومن شباكها

قلت اتسلي واتفرج ع الدنيا

سواد ناقع. نيله. زفت وهباب، وأيام سوده

عيني عليك يا سورية

عيني عليك يا سورية

قفلت الشباك، وهدمت الأوضه

ونار مراتي ولا جنة الدنيا

عينى عليك يا سورية

    افرحوا يا اولاد. افرحوا

   ـــــــــــــــــــــــــــــــــــــــ

افرحوا يا اولاد. افرحوا

انا النهار ده مبسوط. مبسوط

خمرة ونسوان

أفيون

وحشيش من كل الماركات

افرحوا يا اولاد. افرحوا

الرقص النهار ده

بالصاجات

شباب. صبيان وبنات، رجاله ونسوان

الدستور

بينيلوه. بيسخموه ويسودوه

وبكره

وقبل الفجر

وقبل ما يطلعوا روح اللي خلفونا

ح يطلعوه

افرحوا يا اولاد. افرحوا

بكره الدستور