البنت (من حقها) ندلعوها. حقها.
طيب، والولد؟!! يعني مالو نفس؟!
يا واد عيب. دا انت اللي (علي حسك) البنت
تتدلع
يا اللي ياما المسطرين (في أيدك) دلعته
والفاس في الغيط ومعاه الشقرف
يا اللي دلعت الزلط والمونة علي كتفك
والسلاح في ايدك. رقصته
شايل الهم (ياعيني) من صغرك
ياد استحمل
عشان تاخد بـ أيد أبوك. لما
يكبر ويعجز
ياد دا أنت اللي أمك
في ليلة القدر تدعي لك
ياد دا انت العصاية المحلب
ويوم م تميل الدنيا بينا
ياد أنت اللي تعدل
ياد أنت اللي بـ تدلع
ياكايد العدا
وفيمهم
بـ تولع
كل ده، وتقولي:
عايز أدّلع؟!
تعليقات
إرسال تعليق