اسمعي يا بت أما أقول لك

اسمعيني

أنت وحشة. وحشة

وكلك عيوب. كلك عيوب

صوتك. جمالك. صورتك. حلاوتك. دلالك

حتي كلامك

أنت وحشة. وحشة

وكلك عيوب

زيك زي نيلنا

آية في الجمال

تعالي شوفي بـ نعملوا فيه أيه، وبـ نعملوا بيه أيه؟!

وزيك يا بت زي القيم والمثل وقيمة الإنسان ع الأرض

قتل وخراب. دمار. سب ولعن وشتيمة وحدف طوب

يا بت موش بـ أقول لك:

أنت وحشة. وحشة وكلك عيوب

يا بت. دا الجمال لليعرفه  ويخاف عليه

 واللي يعرف يحافظ عليه

يا بت أسمعيني. أسمعيني

أنت يا بت. وحشة. وحشة خالص

وكلك عيوب