أقول لك حاجة؟

  أقول لك حاجه. بس وسخه وقليلة الأدب وشغل صياعه، وبـ أعتذر عنها مقدما. أقولها علي مسئوليتك؟؟! وعلي رأي اللي قال: ليس علي المجنون من حرج. يقول لك كلمة وحشه. يضرب واحد قلم. مجنون!! أهبل!! ح تعمل له ايه؟!!!

  من الطبيعي إن واحد يسأل واحد صاحبه ويقول له: أنت منين؟ السؤال ده غريب جدا. أي بني آدم (بالعقل كده) بيكون منين؟

    (كس أمك يا معلمي)

  عرفت ليه إن البني آدم بـ يكره يعرف الحقيقة؟ وبـ يدعي أنه بـ يدور عليها؛ لأن البني آدم. الحقيقة تدمره وتضيعه. حقيقة إيه اللي أنت عايز تعرفها؟ عايز تعرف احنا عملنا إيه في علمائنا؟!! (علماء المسلمين) ورّناهم الذل والبهدلة والمسخرة. ولاد الكلب الزنادقة اللي كانوا عايزين يودونا في ستين داهيه. هء. علماء المسلمين. قال!!!؟ عايز تعرف ان احنا الأمه الوحيدة في العالم التي لم تستفد (مطلقا) من علمائها ولا من مفكريها ولا من ادبائها، عايز تعرف ايه؟!! عايز تعرف اللي حصل في ابي حمص؟!! واللا إيه يا بتوع الشباب والرياضه؟!! عندهم لو واحد اخترع بزازه بـ يعملوا له تمثال، وعندنا لو واحد طلع القمر بـ يطلعوا وراه يزقوه يقلبوه في الأرض ينزل زرع بصل. عايز تعرف ايه؟!! سمعت حكاية عصيان عرابي؟!! فزوره دي واللا نكته؟؟ فرج فوده دخل النار بـ يسألوه: أنت هنا ليه؟! قال لهم: اسألوا وزير التربية والتعليم اللي في الأرض. عايز تعرف ايه؟!! دا انت لو عرفت. حاجه من اتنين: يا تنتحر يا تضرب نفسك بالنار. طه حسين اتجوز من فرنسا. يا خبتي التقيله يا أمه!!! الحقي أبويه اتجوز من طنطا!! عايز تعرف؟؟ والله بجد؟؟! عايز تعرف؟ اسأل شجرة الدر. يا نهار نادي.يا نهار نادي. حلوه بلادي. انت سمعت أغنية حلو يا اللي ماشي، عقلك راح فين؟؟! كلته القطه يا بابا. سمعت عن فرمان 1840؟ وحياتك عندي. عايشين بنفسه وبـ بركاته. الله يحرسه ويخليه ويبارك لنا فيه. عايز تعرف إيه؟!!! عايز تعرف أنا انهبلت ليه؟!!! أقول لك ياسيدي: من خبتي التقيله، ومن قلة عقلي. مره اتضربت في مخي وقريت سطر في كتاب. عايز نصيبه/ بلوة سوده أكتر من كده؟!!

  (وحد الله يا معلمي. الحمد لله اللي ما كانوا سطرين، كان زمانك النهار ده، والعياذ بالله في السيما)

  عايز تعرف إيه؟! عمرك شوفت واحد واللا واحده ماشيين بـ يتفسحوا بلابيص. زي م ولدتهم أمهم؟! هي دي الحقيقة. هي دي الحقيقة!! تقدر تشوفها؟!! عايز تعرف اللي بـ يحصل في سورية؟! بجد عايز تعرف؟؟ عايز تعرف إيه اللي حصل لما (أنا) قلت الحقيقة؟؟ ميادة ماتت، ماكنتش أعرف إن الدنيا دنيا، واكتشفت إن الدنيا هي الدنيا، بس يا خسارة. بعد ما ماتت ميادة، يا ألف خسارة والدنيا هي الدنيا، عايز تعرف بجد؟! أخاف عليك. عشان أنت حبيبي.