أصل الحكاية

                ـــــــــــــــــــــــــــــــ

أصل الحكاية. بنت

زرعها الزمن ع الأرض. شجرة

وفرعت

وجذورها (في الأرض) اتمدت ومددت

فروع وأغصان وأوراق

ومنها عود الفل والريحان

ووردة القرنفل والبنفسج

وزهرة الياسمين بخفتها

وأصل الحكاية. بنت

علي شط نيلنا (بعد المغربية)

 شوفها واتأمل

سمع القمر عنها. طلع

يبص عليها. يتفرج

وليها ينور طريقها

ويحكي (القمر) للناس

حكايتها

والناس حدانا

بتسمع وتتكلم، ولبعضيها

تردد (الناس) حكايتها

وأصل الحكاية. بنت زرعها الزمن ع الأرض

تهفهف بأغصانها وتتدلع