طبال وزمار، ودى (في الدنيا) شغلتي
أرقّص (علي واحدة ونص) الليالي
والنجوم في السما م تبطل زغاريد
وأصحِّي القمر من عز نومه
يتفرج
وللصبح أسهره
والشجر
(ع الأرض) يضرب بالموال
يا ليلي يا ليلي يا عيني
يسمعه الورد في الجناين
والزهور في البساتين
ويغني (في البحر) السمك:
ع الأرض (يا عيني) بياكلوا بعض
البني آدمين
ويعيبوا علينا
وهم (يا زمن) العايبين
كتير بـ يتكلموا
لطرش
وودْن من طين وودْن من عجين
ما تعرف مين بـ يكلم مين؟
ولا مين بـ يتكلم مع مين؟
وطبال وزمار (أنا) ودي في الدنيا شغلتي
علي (واحدة ونص) أرقص الليالي
وأرقص الحلوين
تعليقات
إرسال تعليق