يا ســمرا..

                 ــــــــــــــــــــ

أغنى لك يا سمرا؟؟ أغني لك؟

أغني لك

يا شامة علي خد النهار  (في عز ضهره)

تبص عليك الشمس. تضحك لك

   (بيكي)   فرحانة

طالعة  (الشمس)  علشانك

تنورلك. ياللي علا شانك

وتتفرج علي خطوتك

ياللي رقصتك  مشيتك، ومشيتك  رقصتك

وغنوة زمن ومزيكته. كلمة بين شفايفك       

ينطق بها لسانك

ومن عنيك أشوف الدنيا فيها

ورود وزهور وبساتين

  (يا سمرا)  وجناين

وأغير أنا من القمر وأحسده

يطبع بنوره القبل علي خدودك، ويهمس لك:

جميلة خطوتك. حلوة بسمتك. رقيقة ضحكت

يا سمرا عجباني

وأغير أنا. أغير:

يا سمرا عجباني

خطوتك

بسمتك

ضحكتك

يا سمرا عجباني