كلام

كلام

ـــــــ

 * ماتت أمي (الله يرحمها) أم مثالية. سيدة محترمة جدا. عاقله. رزينة. تترك أولادها هكذا للضياع وترحل!!؟

 * ألو. انزلي المحطه الجايه ح تلاقيني مستني. قفل السكه. ألقت بالموبايل من نافذة المترو.

 

 * في صالون العزاء. القرآن الكريم يتلى. جلس في المقعد الملاصق له. حضرتك من هنا؟ شكلك مش من هنا أكيد؟ باين عليك راجل محترم. أنت قاعد هنا من زمان؟ أكلت؟ أهل  المتوقي طحنوه. "خيرا تعمل شرا تلقي". كان بـ يسليه.  

 * نفسي ومني عيني أعرف: أنا بـ أكتب ليه؟؟!!

(أقول لك يا معلمي وم تزعلش)

قول يا منعم ومش هازعل.

(عشان م بتعرفش أيتها حاجه يا معلمي)

ماشي يا منعم. من النهار ده م تورنيش وشك يا منعم.

(منعم وهو يدور بوجهه، حتى لا يدرك معلمه حركة شفتيه، وهو يتمتم: هو يا جدعان اللي يقول الحق في الزمن ده يتبهدل كده!!؟)

 * عندما يضيع منك جارك أو يرحل، لا تنسي أن تبكي عليه؛ لأنك (قطعا) في يوم ما سترحل أو تضيع. تذكر جيدا أنك كنت في يوم من الأيام جار.

  

 * لعلمك أنا راجل محترم، واتحرج بسرعه، مره قلت آكل علي موائد الرحمن (من باب العلم بالشيء) المغرب أذن. ميت م الجوع. الناس أكلوا، وهم طالعين. كل واحد يسلم عليّ: يدوم النعمه يا باشا. طيب سلموا عليّ وانت داخلين!! حظ اسود ومنيل. يدوم النعمه يا باشا!!!!

*من نفسي. قلت: آخد مراتي تمشّي رجليها وبالمره أتفسح ع البحر (النيل) مشيت معاها انكجيه: الأهبل أهه. الأهبل أهه. الأهبل أهه.  

خللي بالك أنا من الفلاحين، وعيب أوي أوي ان واحد يمشي مع مراته بالشكل ده، لكن لو مع واحده تانيه مش مهم.

 * فيليكس بـ يفكرني بـ عباس ابن فرناس. ولا حد عبّره، قلنا عليه راجل أهبل ومجنون. لكن فيليكس؟!!

من أوربا يا با!!!!