أحوال الدنيا في مصر..

          ـــــــــــــــــــــــــــــــــــــــــــ

  في اليابان متقدمون. ونحن متأخرون. هم في اليابان بـ يصلوا الفرض بـ فرضه؟! لا شك أن الله- سبحانه وتعالي- 

سيحاسبنا عما فعلناه بالإسلام وبأنفسنا. (انهيار الدولة الأموية والعباسية بعصورها الأربعة ، والدولة العثمانية) ده كله ولسه ما عرفناش؟!!!!!

   في الغرب. تقدموا بالعلم، ونحن ما عندنا غير الكلام. غريبة!!! كل روائع الأدب وألمعية الفكر قد ظهرت في الغرب. هو الأدب في الغرب موش كلام برضه؟!!!  غارسيا/ هيجو/ ديكنز (في مجال الصحافة والأدب) رينيه ديكارت/ مونتسيكيو/ جان جاك روسو (في مجال الفلسفة والاجتماع)  إيه رأيك إن الغرب دول أحسن ناس تتكلم في العالم!!!!!

  تصور أننا الأمة الوحيدة في العالم التي لم تستفد (علي مدي تاريخها) من علمائها ولا من مفكريها ولا من كتابها؟؟!! تصور!!!؟

  فيه واحده في مصر حامل، عمرها اشترت كتاب تعرف منه أزاي تهتم بنفسها في فترة الحمل؟؟ فيه؟! في الغرب ده شيء طبيعي وعادي!!! فيه واحده في مصر عمرها اشترت كتاب تعرف منه أزاي تربي ابنها بشكل صحيح؟؟ في الغرب شيء عادي!! عايز تقنعني إن البنت (العادية) في مصر في ثقافة وفكر ووعي البنت في الغرب؟؟! فيه مدرس في مصر عنده مكتبة في مجال التربية وعلم النفس؟؟ المدرس في الغرب بـ يصرف نص مرتبه علي شراء الكتب التربوية وعلم النفس!! أدخل بيت المدرس في الغرب، ولا أستاذ جامعة!! تصور دولة عدد القراء فيها أقل من نصف عدد الكتاب!!!؟ عرفت ليه؟؟! كله عندنا تحت شعار مشي حالك!! صلي ع النبي وسيبك منه، فيه واحد في مصر بـ يشتري كتاب يعرف منه يعني إيه زوجة وأسرة وأولاد؟! أو يعرف يعني إيه عالم؟؟! يعني إيه طبيعة الصراع الدولي ومعادلة الصراع اللي إحنا عايشين في قلبه؟؟! فيه؟ فيه واحده في مصر  تقدر تشتري كتاب قلة أدب وسفالة عشان تعرف هي بتنيل إيه، بدل م كل شوية. الحقنى يا دكتور. يا دكتور الحقنى؟ يعني الواحدة من أول عيل، وعليه العوض فيها. أسمعي يا اختي كلام ستك. أخذوا منا الأصول وصدروا إلينا القشور!! عايز تعرف حجم الكارثة اللي إحنا عاشينها؟ أخطف رجلك لحد فرنسا واللا ألمانا واللا حتى اليابان. جرب. ح تكره نفسك. جرب واسمع كلام من خاطب الملوك والرؤساء فقدروا كلامه، واللا إيه يا جوز بنتي يا غالي يا مستودع أسراري؟!

  لقد تركنا المائدة للئام، وانصرفنا عنها تماما بحجة التقرب إلي الله. لا. أبدا ده لا يمكن أن يكون تقربا. ده أسمه عته. أسمه حالة فقد توازن. يعني عدم القدرة علي التكيف مع الواقع المعاش، إحنا بنقوم بتمثيل دور "لاري" في قصة حد الموسي. عندما ندخل إلي غمار الدنيا بغير آليات الزمن المعاش، فماذا تنتظر؟!! ما نحن فيه الآن، و"نعيب علي الزمان والعيب فينا"، هو ربنا قال لنا: سيبك، ومشي حالك، وكله عند العرب صابون؟! واللي يحب النبي يضرب غيره بالصرمة لما يطفحه الدم؟!! هو ربنا قال لنا: حبوا اللي منكم وولعوا في اللي مش منكم؟! هو عيب لما تصلي وفي نفس الوقت تعرف الدنيا ماشيه أزاي؟؟! عيب!؟ واللا هو حرام؟!!