لعلمك أنا رجل
منظم في حياتي جدا. وقت أقرأ فيه، ووقت أكتب فيه، ووقت أستريح فيه، ووقت (يكفيك
الشر) أقعد مع مراتي فيه. عمرك شوفت واحد بـ يحب مراته؟! ياي. ياي، يا سلام. إيه!؟
مكسوفه يا اختي!؟ تعالي وأنا أحبك وأحب عيلتك وأحب بلدك كلها..
يا بنت دا أنت
مصرية
يا سارحه الغيط.
ينوروا بيك البدرية.
يا مجدع. يا بطل
الزمن، والأيام والليالي
يا صابرة (عمرك) ع
المحن
يا شجرة
بـ تطرح أجيال.
رجال وشبان وبنات
يا بنت دا أنت يا
بنت. بسمتك
يضحك لها الصخر في الجبال
ومشيتك. الأرض
(من الفرحة) ترقص لها
يا اللي عمرك
دمعتك علي خدك، ولا همك
يا اللي عنيك كلها
سحر وخيال
نشوفوا الدنيا
فيها
جمال في جمال في
جمال
تعالي يا بنت لما
أحبك. تعالي
يا بنت دا أنت
مصرية
يا اللي من عزمك
تاهت دُوَل،
وداخت رجال
تعالي يا بنت لما
أحبك
دا أنت يا بنت أم
الرجال
أم الشهدا
والأبطال
تعالي يا بنت
ياللي من فرحتي
بيك نسيت أسمي. نسيت
وكل اللي (أنا)
فاكره
"يا بنت .
دا أنت مصرية"
تعليقات
إرسال تعليق