فات زمن
الكلام. فات
فات وعدي
البحتري وابو
تمام والمعري
وابو نواس
والورق عملوه
قراطيس
وناس لساها
(يا عيني) ع الرصيف قاعده
بـ تعبي اللب
فيها
اللي اشتري
موبايل واللي اشتري عربية
واللي اشتري
طيارة ودبابه وصاروخ كمان
وقنبله نفجرها
مره هنا ومره
هناك
وأهي أرزاق
هوووووووب
وفي وش بنت وصدرها
فرَش يا
عيني الشارع جسمها، وطار
في كل ناحية
لحمها
وفات زمن
الكلام. فات وعدي
لاجل م يبقي
الشرق شرق والغرب غرب
ويا عيني ع
البنية
اللي عليها
ناس صوتت وعيطت
وناس طبلت
وسقفت وزغردت
واللي صوت
واللي عيط واللي طبل واللي زغرد
الكل (يا
عيني) في دمها احتاس وانداس
وعديت يا زمن الكلام.
عديت
البحتري وابو
تمام والمعري
ومعاهم كمان
أبو نواس
والحكاية كلها
لباية كانت في
القرطاس
وأنا
أزأزتها
تعليقات
إرسال تعليق