انخمد يمكن تنام
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
ما في حاجة عجباها أبدا.. أبدا.. كل م اكتب
حاجة تطلع لي فيها القطط الفاطصة.. الدنيا سودة ومنيلة بستين نيلة.. يا راجل حرام
عليك. سودت عيشة الناس وكرهتهم في عيشتهم.. الدنيا بنبي في بنبي. فل وورد
وياسمين.. يا راجل يا فاقد الاحساس بالناس. ما عندك دم ولا أي شعور بالأحوال..
الدنيا كدا وكدا، ومن ده علي ده، فيها كل الألوان.. أنت معاهم معاهم، وعليهم
عليهم، راجل إمعة وأبو رياح.. واحترت يا ناس. اتجوزتها. تعالي اكتبي انت، وأنشر
أنا.. أنا اللي بختي من دون البنات كلها مال وخاب، واسودت معاه أيامي. موش كان
كفاية عليّ صلعته؟ محتاس ومتنيل ومنداس. قلت أعلمه. خايبة يا اللي تعلمي بقرة أو
تعلمي في حمار.. وبقت فضيحة بجلاجل. طلقتها. مالها أم العيال؟ محشي وصلطة وطبق
ملوخية وبرام رز بالحمام، واطفع يا هليهي وانخمد يمكن تنام.
تعليقات
إرسال تعليق