كان
يا ما كان
ــــــــــــــــــــــــــــــــــــــــــــــــــــــــــــــــــــــــــــــــ
أ/ تــــوته
كان يا ما كان
كان فيه زمان
بنت بريئة ..في عينيها نظره تقول
جريئة
او تقدر تقول عليها خايفه
ويمكن تقول عليها تايهه
كان حلمها شيء بسيط
جناح وريش
كان حلمها
توصل لفوق ..فوق في السما
ولأنه حلم مش زيها ولا ادها
هـــــــــدها
الجناح طلع ضباب
والريش فى ايدها اتحول تراب
ومن حظها بقى حلمها وهم وسراب
بكت كتير
والكل قال يمكن ده خير
ماهو حلمها مش ادها
كل يوم توصل لفوق
تشوف مكانها اللى كان فى السما
تنام ودموعها
جاريه على خدها
تدوب معاها كل يوم
الف شمعه من عمرها
تدَوب سنين
في جرح وانين
ومين ها يسمع صمتها ؟
لا حلم نافع ولا بكره شافع
يبقى مافيش غير صمتها
قالت خلاص
لقيت مكان
ورقه وقلم
واحلام زمان
وضفيره طايره ورا ضهرها
وشباك كبير حطوا عليه
قال ايه حديد
خافوا عليها من حلمها
وقفت بعيد
وعينيها فوق متعلقه
الحلم العنيد صرخ بقوه
رج الحديد
هز السما
مكانك هناك
نجومك هناك
حتى القمر كمان هناك
اوعى تخافي ها نوصلها
حضنت ايديها وقالت خلاص
كل لحظه ما بين الناس
ما تسوى شيء
عيون وعايشه بقلب ميت
وقلب مات فى الكون غريق
كل خطوه بتقيد حريق
ها امشى الطريق
ما بأيدي شيء
مشيت بعيد طريق طويل
شايفه النهاية من بُعد ميل
وبرضه ماشيه
ما هو حلمها ساكن ضلوعها
بتستقوى بيه طول الطريق
كان النديم طير اسير
وقلم بـ يكتب وورق كتير
ودمع جارى انهار تسير
وفى ليله عتمه
قابلت دليل
طبيب مداوى لقلب العليل
فارس لكلمه
سلاحه حكمه
وعقل وضمير
كان عنده حلم يكون برضه طير
رسم لها فوق القمر
قصر وامير
وقارب كبير
وجزيره هاديه
فيها النجوم فراشات تطير
رسم بريشته الف جناح
وقال ده كله لعيون <توته>
زرع جبينه بستان امان
لملم ضلوعه ودفّا خوفها
وبـ ايد حنونه حضن كفوفها
جمع دموعها من بين شموعها
وبين ايديه لان الحجر
اصبح حرير
شالها فى عيونه
وقال مكانك
يا حب عمرى
اسير زمانك
لجل رمشك
لجل حلمك
تحت امرك
الكون ده ملكك
وتحت رجلك خادم مطيع
قالت له ليه انا ما استحق
فكر كتير
بُص لبعيد
شايف طريقي
مليان بشوك
مليان خطاوى ماليها اخر
خطوه زايفه والتانيه خايفه
والتالته تايهه
والرابعه خايبه
وغيرهم كتير
اخاف عليك من شوك الطريق
وبصوت حنون
دمعت له العيون
قال ماليش غيرك مصير
لو كل خطوه وراها سد
بحبى ليكى ها هدُه هدّ
كل اللى عاوزه
تفتكرى بس
نجم وسما
قصر وامير
وشباك كبير
من غير حديد
كل اللى عاوزه
مكان في قلبك
ونظرة رضا
وامل في بكره
وحلم حر
مش طير اسير
حـــــ لم ـــــــــــر
مش طير اسير
مش
طيـــــــــــر اسيــــــــــــــــــر
تعليقات
إرسال تعليق