طريقة عمل الكفته

      طريقة عمل الكفته

          ــــــــــــــــــــــــــــــــــــــــــــــــــــــــــــ

المكونات:

- ½ كيلو لحم بقرى مفروم.  - 1 بصلة كبيرة مفرية. - 1 ملعقة كبيرة زيت نباتى.

- 1 ملعقة صغيرة بهار لحم (7 بهارات).- 1 ½ ملعقة صغيرة ملح.- 1 ملعقة صغيرة فلفل أسود.

الطريقة:

1- يوضع اللحم المفروم فى وعاء الكبة، ويضاف إليه البصل والزيت والبهار والملح والفلفل.

2- تطحن جميع المكونات جيداً   3- يسكب خليط اللحم فى وعاء عميق

4- يسخن الفرن على حرارة فوق المتوسط  5- يُخرج خليط اللحم من الثلاجه 

6- تُرص الكفتة فى صينية الفرن المدهونة . - تُخرج الصينية من الفرن وتُقلب أصابع الكفتة على الناحية الأخرى، ثم تُترك فى الفرن لمدة 10 دقائق أو حتى تنضج تماماً وتأخذ اللون البنى الغامق.

 التعليق:

ايه اللي بـ تقوله ده يا هليهي؟ كفتة ايه ونيلة ايه؟ يا أخي اتقي الله واكتب فيما ينفع الناس. حكاية المحافظ اللي غرق في مية الشتا. الوزير اللي اتسجن. الحكومة. الشعب الغلبان. اللي بيسرقوا. اتقي الله يا أخي، الدنيا محتاسة ومنيلة بستين نيلة وانت بتتكلم في الكفتة؟

التعقيب علي التعليق:

يا عم الحاج انت نستني أقول لك علي الفرق بين الكفتة والبوفتيك. يا عم الحاج المثل بـ يقول ايش ياخد الريح من البلاط. يا عم الحاج أنا راجل علي قد حالي. بابيع درة مشوي بالليل، وبالنهار بافرىش بخيار وطماطم، ابيع لي تلاته أربعة كيلو أجيب غدا العيال، أسيب أكل عيشي واتكلم لك في السياسة والدين؟ السياسة يا عم الحاج لها ناسها وأنا في السهرة باتابعهم، أما حكاية "اتقي الله واكتب فيما ينفع الناس" دي تبقي مصيبة سودة، ويبقي لا تطلتها دنيا ولا أخرة، بتاع الدرة المشوي والطماطم والخيار ح يكتب في الدين يقول ايه؟ يسمع أحسن، واللي بـ يتكلموا في الدين يامة قوي وأديني باسمع، فياعم الحاج خلليني في حالي، هو بتاع الدرة المشوي ح يلبسوه عمة علي آخر الزمن؟ واللا ح يعملوه وزير خارجية؟ يا عم الحاج انت ليه ما بـ تشتري مني؟ درة مشوي. خيار. طماطم. انت ليه مصر ما تنفعني؟ أنا بافرش قدام صيدلية د/ شوقي

                         تعــــــــــــــــليق

  طبعا الموضوع موش موضوع كفته ولا موضوع  درة مشوي. لا طبعا. واحد باعت لي: "ياهليهي اتقي الله اكتب في موضوعات تهم الناس" وكاتب لي الموضوعات اللي اكتب فيها، الواحد ده شخصية أنا باحبها وعلاقتي بيه طيبة أو كانت طيبة، كونه يبعت لي كلام زي ده، وأكتر من مرة، فشئ طبيعي يكون ده ردي عليه .يمكن ياخد باله ويعرف هو بـ يقول ايه، وأنا سبق نبهته، لكن للأسف. للأسف انه مصر علي موقفه، اكتر من كدا سلك مسلك غير طيب، فشئ طبيعي يكون ده ردي يمكن يعقل، وزي م بـ يقولوا " العقل زينة" والحقيقة أنا  ما أعرف مين اللي سلفه العقل النور ده. طيب عقلك انت فين؟ ما كنت كويس وماشي عال، ماشي يا سيدي ايه حكاية الأسماء دي؟ انت فاكرني نور زيك ح اروح استلف عقل؟ ماشي. لعلمك أنا ممكن أحزفك، لكن لا طبعا. خلليك كدا أتسلي بيك واتسلي عليك، واللا يمكن ارجع لك عقلك وينوبني ثواب، يمكن، واللا انت لك رأي تاني؟ يا سيدي احذف انت نفسك وريح دماغك من الكلام اللي ما هو عاجبك. ماشي يا سيدي.خلليك. فاضي لك أنا