الغرفة المجاورة
ــــــــــــــــــــــــــــــــــــــــــــــــــــــــــــــــــ
كالعادة.. جالسة هي الي مكتبها كسكرتيرة في
الغرفة المجاورة.. تتابع باهتمام كل ما يدور.. الغرفة واسعة مفروشة بالأثاث
الراقي. احدث موديل. المقاعد. المناضد. السجاد. ستائر النوافذ. جهاز التكييف.
التلفاز 52 بوصة. كمرات المراقبة لمعرفة الداخل والخارج. منفضات السجائر المتناثرة
في كل مكان.. اما غرفتها فهي صغيرة متواضعة الي حد ما.. تجيد استخدام الحاسوب.
ماهرة.. ثلاثة رجال وسيدة.. الو. ايوه. ماشي ح استناك في المكان اللي اتفقنا عليه
الساعة تلاته ونص. متتأخرش.. الشارع ليس مزدحما وكذا المحال التجارية، وقلما تري
تلك الأكياس الكبيرة الممتلئة بالمشتريات.. درجة الحرارة كعهدنا بها في يناير.
منخفضة.. يسير متلكئا. يضيع الوقت. السحب خفيفة متفرقة. الجو لا ينذر بمطر خفيف أو
ثقيل.. ياسلام لو الموضوع ده عدي علي خير تبقي امي دعيالي في ليلة القدر.. بدأ
يشعر بالبرد. تحمل.. كادت السيارة تخطفه.. انت ماشي نايم؟ انت اللي أعمي ابن ستين
كلب.. من فضلك قهوة مظبوط وواحد عصير منجه.. بلهفة: عملت ايه؟ ناولته الـ c d.. ناولها الظرف.. تحت
الحساب. حقك مضمون.. ياسلام يا بت لو اتجوزك؟ ومستني ايه؟ خايف من مراتك؟ لولا
العادات والتقاليد لاحتواها بين ذراعيه ولأمطرها بوابل من القبل.. مياه النهر
هادئة. بعض قوارب الصيد المتباعدة.. لنش صغير او قارب المعدية.. اشعة الشمس تلمسهم
فتمسهم مسا خفيفا كأنها تداعبهما. بعض نفر الي جوار السور الحديدي. بانتظار صياد يشتروا
منه شروة سمك. ارخص. يا اولاد الكلب يا حرامية.. دا انت ح تشوف وتسمع بلاوي سودة..
في أيام البرد الدفء له معزة خاصة. اندس في فراشه ممددا مسندا ظهره الي شباك
السرير.. يسمع ويري. يا نهار ابوكم اسود. يا اولاد الكلب يا حرامية.. انت يا راجل
بـ تكلم نفسك؟ اتجننت واللا ايه؟ واصلت متابعة الفيلم.. ايه رأيك بقي؟ انا ح
اعرفهم اني عرفت كل حاجة. اهددهم.. يا لهوى. عشان يقتلونا. جمدي قلبك. م تخافيش. ح
اخلليهم يساومونا وساعتها نخدوا منهم اللي احنا عايزينه.. ايوه. هات من الأخر. عايز
كام؟ فأشار بإصبعيه. يا انهارك اسود. اتنين مليون جنيه؟ نحسبوها سوا. اربعه × علي
الأقل خمستاشر سنة سجن. نقولوا السنة بمليون جنيه. يعني ستين مليون..
وبعدين الهبرة دي تعمللها موش اقل من خمسين مليون. يعني دخلنا في الـ 100 مليون واكتر.
خلاص ماشي. موافق. هات اللي عندك. لا يا حلو. التسليم والتسلم عندي انا وتكون
لوحدك. ماشي.. برافو عليك. نصيبي فين بقي؟ ايه رأيك يا بت نتجوزوا. شقة وعفش وشبكه
وكتب كتاب. قولي يتكلفوا نص مليون جنيه. يبقي انت نصيبك نص مليون. بلهجة اعتراض: والله.
وانت نصيبك مليون. موش كدا؟ نتجوزوا وبعدين نبقوا نتكلموا في الموضوع ده.. سألها
القاضي: انت يا ست طالبه الطلاق ليه؟ فطلقتها المحكمة.. اما الزوج فسأله وكيل
النيابة: ايه رأيك في الكلام اللي قالته زوجتك؟ فأمر بحبسه وزوجته الثانية خمسة
عشر يوما علي ذمة التحقيق لأسباب لا أعرفها..
تعليقات
إرسال تعليق