دردشة كلام.. احوال الدنيا
ـــــــــــــــــــــــــــــــــــــــــ
غريبة الدنيا. غريبة.. عامله زي الجوازة السودة، ربنا يكفينا ويكفيكم
شرها. تطلقها. تخرب بيتك وتبيعك كل اللي تملكه وتخلليك ع الحديدة، تمسكها وتقول
الطيب أحسن، ليل ونهار النكد شغال، اسمع الفضائيات واقرا المكتوب علي صفحتك
الرئيسة واتفرج كويس جدا علي الصور والفديوهات، النكد علي أصوله واللي بـ يصوت
والي بـ يلطم واللي بـ يقول نكتة، تتعلم منها أصول النكد والهم وفن الولولة علي احدث
الطرق العلمية. خبراء وعلماء ومتخصصين في مجال علم الاجتماع والدراسات النفسية بكل
فروعها.. تمسكها واللا تطلقها؟؟ الطيب أحسن. تشوف لك بار واللا خمارة تعملها
لوكاندة، أو تشوف لك قهوة وتشد يا معلم لما قلبك ينقطع، دي سيجارة ودا كرسى معسل،
واقعد غني.. يا مسلياك الهموم اعزفها طرب علي نايك.. اطربني واشجيني، واشكي للناس
ربك، واضرب بالموال وقول: يا ليلي يا عيني.. شجرة وانا اللي من زمان زارعها والنهار
ده انا اللى جانيها.. يا مين يواسيني، وربنا نسيته وقلت" يا عبده حل كيسك
واعطيني.. فطرني وغديني وعشينى، يواسيني ويسقيني اصل هو الي بـ يرزقني ويميتني
ويحيني، واهي شجرة وانا اللي زارعها والنهار ده انا اللي جانيها، ونسيت ربنا وقلت
لـ عبده: فطرني وغديني وعشينى.. يا مسلياك الهموم اعزفها طرب علي نايك.. تمسكها
واللا تطلقها تتجوز عدوك يكيدك وتكيدك، والطيب احسن. شوف لك قهوة ولف لي سيجارة.
تعليقات
إرسال تعليق