دنيا الغرام
ـــــــــــــــــــــــــــــــــــــــــــ
دنيا الغرام..
حلوة وجميلة يا دنيا الغرام.. حلوة وجميلة يا دنيا السهر وكؤوس الخمر وشلة
النسوان، ولزوم السهرة سجاير الحشيش والأفيون كمان.. حلوة وجميلة يا ليالي
الغرام.. سهرات حمرا وصفرا وزرقا. بنبي. بنفسجي. كل الألوان.. حلوة يا دنيا
الغرام.. السهر والفرفشة والدردشة واللعب والهزار في عالم الاحلام.. الف ليلة
وليلة والشاطر حسن.. روح قلبي يا حسونة وحبيبي وجنتي ودنيتي، ياجوزي وابو اولادي
الجمال, اشترى العشر قراريط وباسمها كتبهم، وكاس ورا كاس. حلوة وجميلة يا دنيا
الغرام، فلوسه في حسابها في البنك، ويطلع نهار، هو فيه ليل من غير نهار؟ حلوة
وجميلة يا دنيا الغرام.. عايز فلوس. هو فيه غرام كدا بـ بلاش؟ واللى مستخبى ورا
الستارة ظهر وبان. عايز باقي الحساب. بات مدان وحلوة وجميلة يا دنيا الغرام..
عايزين يا سيدنا باقي الحساب، وبات مدان. وكاس ورا كاس وخمر وشلة النسوان، وحلوة
وجميلة يا دنيا الغرام
تعليقات
إرسال تعليق