بين مؤيد ومعارض.. قرآن المغرب
ــــــــــــــــــــــــــــــــــــــــــــــــــــــــــــ
لست بالطبع مخولا بالرد علي مؤيد أو معارض ولا
أملكه، مجرد رأي. لا عقوبة علي سماع القرآن أبدا ولا حرج، المشكلة في ارتفاع الصوت
وتعدد مصادره، ومن هنا فـ يصعب فهم ما نسمعه، يعني حضرتك تخيل انك بتسمع من ألف
مصدر ألف آية. يبقى ازاى؟ فلو المصدر واحد والصوت مناسب إيه المشكلة؟ ومن هنا
الأفضل نشغل الراديو علي القرآن في البيت ونسمع ونستمتع، في الحالة دي الصوت بـ يبقى مناسب، وكل بحسب مزاجه، واحد بـ يسمع
الشيخ/ عبد الباسط وواحد بـ يسمع الشيخ/ مصطفي إسماعيل، وآخر بـ يسمع/ الشيخ
الطبلاوي، وهكذا، كل واحد يسمع اللى هو عايزة وبالطريقة اللي تناسبه، الأهم من كدا
أنا أحب سماع القرآن في البيت بصوت مناسب وجميل، وقراءة القرآن في البيت فيها راحة
نفسية عظيمة وفيها سكن وطمأنينة وبركة، الحاجة التانية أنا في رمضان بـ أحب أسمع
القرآن من إذاعة إسكندرية؛ لاعتبار فروق التوقيت وفي الجامع بـ يذيعوا القرآن (عادة)
حسب توقيت القاهرة.. فالأنسب لي توقيت الإسكندرية، وده رأي والله أعلم..
تعليقات
إرسال تعليق